Komplayens qadaǵalaw

Emlewxanada Korrupciyaǵa qarsı gúresiw boyınsha juwapker

Satdinov Farxat Abdrechovich.

Respublikalıq balalar juqpalı kesellikler emlewxanasında Korrupciyaǵa qarsı gúresiw boyınsha juwapker xızmetker 2026-jıl fevral ayında ishki buyrıq tiykarında shólkemlestirilgen bolıp, 1 juwapker xızmetkerden ibarat. Bul rejede bólimniń tiykarǵı wazıypaları, funkciyaları, huqıqları, juwapkershiligi, jumısın shólkemlestiriw, xızmetkerlerdiń funkcionallıq wazıypaları hám juwapkershiligi belgilengen. Korrupciyaǵa qarsı gúresiw sistemasın basqarıw, sonday-aq, korrupciyaǵa qarsı gúresiw jumısın alıp barıwǵa baǵdarlanǵan bolıp, óz wákillikleri sheńberinde tikkeley emlewxananıń bas shıpakerine boysınadı hám Ózbekstan Respublikası Densawlıqtı saqlaw ministrliginiń Komplaens qadaǵalaw hám korrupciyaǵa qarsı gúresiw bólimine esap beredi. Ózbekstan Respublikası Konstituciyasına hám nızamlarına, Ózbekstan Respublikası Oliy Majlisiniń qararlarına, Ózbekstan Respublikası Prezidentiniń pármanları, qararları hám biyliklerine, Ózbekstan Respublikası Ministrler Kabinetiniń qararları hám biyliklerine, ministrliktiń buyrıqlarına hám Kollegiyasınıń qararlarına hám emlewxananıń ishki buyrıqlarına, sonday-aq basqa da nızam hújjetlerine boysınadı.

Tómendegiler tiykarǵı wazıypaları esaplanadı:

Emlewxanada korrupciyaǵa baylanıslı huqıqbuzarlıqlardıń aldın alıw hám olarǵa qarsı gúresiw; emlewxana kóleminde ámelge asırıwǵa qaratılǵan ilajlardıń orınlanıwın támiyinlew; emlewxana korrupciyaǵa baylanıslı qáwip-qáterler joqarı bolǵan baǵdarlar jáne korrupciyaǵa baylanıslı huqıqbuzarlıqlar júz beriwiniń sebep hám sharayatların anıqlaw; emlewxana korrupciya kórinisleriniń payda bolıwına alıp keletuǵın sistemalı mashqalalar hám olardı saplastırıw boyınsha tiyisli usınıslardı kirgizgen halda málimleme berip barıw; emlewxanada korrupciyaǵa baylanıslı huqıqbuzarlıqlardıń sebep hám sharayatların saplastırıw jáne korrupciyaǵa qarsı gúresiw ilajlarınıń nátiyjeliligin arttırıwǵa qaratılǵan baǵdarlamalardıń orınlanıwın támiyinlew; emlewxanada korrupciyaǵa qarsı gúresiwge qaratılǵan jámietlik qadaǵalawdı muwapıqlastırıp barıw, sonday-aq, zamanagóy usıllar hám málimleme-kommunikaciya texnologiyaları tiykarında korrupciyaǵa qarsı monitoring alıp barıw; korrupciyaǵa qarsı gúresiw hám jámietlik qadaǵalaw tarawında ulıwma tán alınǵan xalıqaralıq standartlar hám shet eldiń unamlı tájiriybesin úyreniw jáne aldınǵı táreplerin engiziw boyınsha usınıslar islep shıǵıw; emlewxanada korrupciyanıń jaǵdayı, tendenciyaları hám sebepleri jáne korrupciyaǵa qarsı ilajlar kóriwdiń nátiyjeliligi boyınsha sociologiyalıq, ilimiy hám basqa da izertlewlerdi shólkemlestiriw hám usınıslar islep shıǵıw; Juwapker xızmetker ózine júklengen wazıypalardı orınlaw ushın tómendegi funkciyalardı ámelge asıradı: emlewxanada korrupciyaǵa qarsı gúresiwge baylanıslı nızamlar hám nızamnan kelip shıǵatuǵın hújjetler, sonday-aq, Ministrlik Kollegiyasınıń qararları hám buyrıqlarına ámel etiliwi ústinen qadaǵalaw alıp barıw; korrupciyaǵa baylanıslı huqıqbuzarlıqlardıń aldın alıwǵa qaratılǵan ilajlar hám jumıs rejelerin islep shıǵadı, olardıń tolıq, sapalı hám óz waqtında orınlanıwın támiyinleydi, belgilengen ilajlardıń ámelge asırılıw jaǵdayın úyrenedi, nátiyjeleri boyınsha maǵlıwmatlar tayarlaw; emlewxanada “Korrupciyasız taraw” joybarın ámelge asırıw; emlewxanada korrupciyaǵa qarsı gúresiw boyınsha ilajlardı ámelge asırıwǵa qaratılǵan ishki hújjetler joybarların islep shıǵadı hám tastıyıqlaw ushın rektorǵa kirgizedi; institutta korrupciya qáwip-qáterlerin bahalaydı hám olardı azaytıw boyınsha ilajlar rejelerin islep shıǵadı; emlewxananıń basqarıw, texnikalıq, xızmet kórsetiwshi hám oqıw-járdemshi xızmetkerleriniń háreketlerindegi korrupciya qáwip-qáterleri hám huqıqbuzarlıqlar haqqında kelip túsetuǵın múrájatlardı hám anonim xabarlardı kórip shıǵadı hám belgilengen tártipte ilajlar islep shıǵadı; emlewxanada korrupciya faktlerine baylanıslı xızmet tekseriwleri reestrin júrgizip barıw; mámleketlik satıp alıwlardı ámelge asırıwda mápler soqlıǵısıwın tallawda hám kontragentlerdiń isenimliligin tekseriwde qatnasadı hám bul baǵdardaǵı barlıq hújjetler menen tanısıp shıǵıw; institut xızmetkerleri arasında mápler soqlıǵısıwı monitoringin alıp baradı hám tiyisli usınıslar kirgizedi; emlewxana xızmetkerleri arasında turaqlı túrde profilaktikalıq sáwbetler shólkemlestirip baradı; emlewxana jumısında korrupciyalıq jaǵdaylardı anıqlaw maqsetinde basqarıw, texnikalıq, xızmet kórsetiwshi, xalıq arasında sorawlar, anonim izleniwler ótkeredi; sorawlar, sociallıq hám basqa da izertlewler tiykarında korrupciyaǵa qarsı gúresiwdi úgit-násiyatlaw boyınsha ilajlardıń nátiyjeleri hám tásirin turaqlı túrde bahalap baradı jáne keyingi ilajlardı belgilewde bahalaw nátiyjelerinen paydalanadı; korrupciyaǵa qarsı gúresiwge qaratılǵan konferenciyalar, ushırasıwlar, seminarlar, tańlawlar shólkemlestiredi; emlewxanada korrupciyaǵa qarsı gúresiw tarawında qabıl etilip atırǵan ilajlardıń nátiyjeliligin bahalaydı; institutta korrupciyaǵa baylanıslı huqıqbuzarlıqlar júz beriwiniń sharayatları hám sebeplerin úyrenedi, sonday-aq, olardı saplastırıw boyınsha usınıslardı islep shıǵadı; instituttıń rásmiy veb-saytında “Korrupciyaǵa qarsı gúresiw” bólimindegi maǵlıwmatlardıń turaqlı túrde jańalanıp barılıwın támiyinleydi; hár sherekte hám zárúrlikke bola korrupciyaǵa qarsı gúresiw boyınsha ámelge asırılǵan jumıslar hám emlewxanadaǵı korrupciyalıq jaǵday haqqında bas shıpaker jáne korrupciyaǵa qarsı gúresiw bólimine esap beredi; emlewxanada korrupciyaǵa qarsı ámelge asırılǵan jumıslardı monitoring etip baradı, analitikalıq materiallardı basshılıqqa hám ministrlikke kirgizip baradı.